Lege oharra


Lege oharra

"Gipuzkoa Geroztik" webgunearen eta bere baitako osagai guztien eta batbederaren jabego intelektualaren eskubideak Gipuzkoako Foru Aldundiarenak dira, zuzenean edo Creative Commons Aitortza-Partekatzea lizentziaz webgune honetarako erakunde honen esku utziak, non eta besterik berariaz adierazten ez baldin bada. Gipuzkoako Foru Aldundiak bere gain hartzen du, edonoiz eta aldez aurreko ohartarazpena egin beharrik gabe, bere webgunearen konfigurazioan nahiz aurkezpenean aldaketak edo eguneratzeak egiteko ahalmena. Gipuzkoako Foru Aldundiak ez du bermatzen webgunerako sarbidean edo edukietan akatsik egongo ez denik, ez eta beti behar bezala eguneratua egongo denik ere, nahiz eta behar hainbat ahalegin egingo duen haiek guztiak saihesteko, edo, gertatuz gero, lehenbailehen konpontzeko edo eguneratzeko. Bai webgunean sartzea, bai bertan dagoen informazioaz egin litekeen erabilera, egiten duenaren ez beste inoren ardura da. Gipuzkoako Foru Aldundiak, bada, ez du bere egingo inolako erantzukizunik webgunerako sarbidearengatik edo bertako informazioaren erabilerarengatik sor litekeen ezein kalte edo okerrez, salbu eta bere eskumenen gauzatze hutsetik letozkeen lege xedapenen aplikazioak lekarkeenaz. Gipuzkoako Foru Aldundiak ez du bere egingo inolako erantzukizunik webgunean aipatzen diren hirugarrenen esteketan ager litezkeen lotura edo edukietatik sor litekeen ezein ondoriorik. Webgune honen baitan dagoen informazioa baimendu gabe erabiltzeak, baita Gipuzkoako Foru Aldundiaren jabego intelektual eta industrialaren eskubideetan egin litezkeen kalte eta hausteek ere, Administrazio honi legearen arabera dagozkion ekinbideen abiaraztea ekarriko dute, bai eta, behar izanez gero, baita abiarazteak sorraraz ditzakeen erantzukizunak ere.


Erabilpen arau eta baldintzak

Atariaren erabilerak berez eta bere baitan dakar onartzea honako arau eta baldintza hauek: Erabiltzailea da Gipuzkoa Geroztik webgunean sortu duen erabiltzaile-izen eta pasahitzaren erabilera egokiaren arduradun bakarra. Hortaz, pasahitza plazaratuko balitz, sor litezkeen kalteen erantzukizuna erabiltzailearena ez beste inorena da, kasu eta egoera guztietan. Gipuzkoa Geroztik webguneak ez du inolako erantzukizunik hartzen erabiltzaileak helarazitako datuen benetakotasunaren gainean. Ez da onartuko erabiltzaileen aldetik indarrean dagoen legez aurkako inolako ekinbiderik, hala nola lizentzia-hausterik, beste erabiltzaileen errespetu falta edo irainezko jarrerarik, edo era horretako beste ezein jokabiderik. Erabiltzailea jakitun da, eta beraz ontzat ematen du, Gipuzkoa Geroztik webgunean egin litekeen edozein ekarpen Creative Commons lizentziaren baitan argitaratuko dela. Orri honexen beheko aldean agertzen dira lizentziaren xehetasunak, eta jakintzat ematen da erabiltzaileek irakurri eta dituen ezaugarriak ulertu egin dituztela. Erabiltzaileak berak izan behar du sareratzen dituen materialen egilea; bestela, egilea aipatu ez ezik, haren copyrighta errespetatu behar du. Gipuzkoa Geroztik webgunearen arduradunek lanean dihardute erabiltzaileei albait eskuragarritasun zabalena eskaintzearren. Alabaina, ez dute inolako erantzukizunik beren gain hartuko arazo teknikoengatik argazkiak edo informazioa galduko balira, edo behin-behinekoz erabiltzaileen kontuak eskuragarri ez baleude. Gipuzkoa Geroztik webgunearen ekipoak bere egiten du erabilpen arauak eta baldintzak aldatzeko eskubidea, bai eta erabilpen baldintza teknikoetan eta zerbitzuaren hobekuntzan aldaketak egiteko eskubidea ere. Gipuzkoa Geroztik webgunearen ekipoak bere egiten du honako erabilpen arau eta baldintzak betetzen ez dituzten argazki, deskribapen, komentario eta eduki oro ezabatzeko eskubidea.


Gure konpromisoak

Geure egiten dugu honako konpromiso hau: Gipuzkoa Geroztik webgunearen eduki orokorrak goian aipatutako Creative Commons lizentziaren baitan gordeko direla eta beti aitortuk dugula materiala sareratu duenaren egiletza. Gipuzkoako Foru Aldundiaren Kultura Departamendutik datu pertsonalen kudeaketa zuzen eta konfidentziala bermatzen dugu, betiere Izaera Pertsonaleko Datuen Babeserako 15/1999 Lege Organikoan oinarrituta. Erabiltzailea gurekin harremanetan jar daiteke, edozergatik hala egoki baleritzo, Gipuzkoako Foru Aldundiaren Kultura eta Euskara Departamenduaren esku utzi dituen bere datu pertsonalak bete, aldatu edo ezabatzeko.


2011 Kutura eta Euskara Departamentua - Gipuzkoako Foru Aldundia.
Creative Commons BY-NC-SA 2.5
Erabilerraztasuna | Eskertzak | Lege oharra
GNet | Gipuzkoa.net
HASIERABilatuHarremanetarakoWeb mapaETAPAKGAIAKALTXORRAKERAKUSKETAJOLASAKPROBAKIRITZIAMAPAN